ការសិក្សាស្រាវជ្រាវនេះបានធ្វើការផ្តោតជាសំខាន់ទៅលើកម្រិតបំណុលក្នុងចំណោមគ្រួសារចំនួន ១៣៣ គ្រួសារ​រស់នៅក្នុងភូមិ ចំនួន ៦ ក្នុងខេត្តកំពង់ឆ្នាំង និងខេត្តព្រៃវែង តាមរយៈកម្រងសំណួរស្ទង់មតិ។ បន្ថែម​ពីលើនេះទៀត ការ​សម្ភាសន៍ស៊ីជម្រៅត្រូវបានធ្វើឡើងជាមួយនឹងគ្រួសារដែលបានចូលរួមក្នុងការស្ទង់មតិ ចំនួន២២ គ្រួសារ ​ ហើយគ្រួសារទាំងនោះបានអោយដឹងថាពួកគាត់កំពុងជាប់បំណុលនាពេលបច្ចុប្បន្ននេះ ហើយពួកគាត់ធ្លាប់ខ្ចីប្រាក់ដើម្បី​ចំណាយ​លើការ​ព្យាបាលជម្ងឺ។ ការពិភាក្សាជាមួយភាគីពាក់ព័ន្ធសំខាន់ៗទាក់ទង​នឹងទស្សនៈ​របស់​ពួកគាត់ក្នុងការទទួលបានសេវាសុខភាព បំណុលគ្រួសារ និងស្ថានភាពដាំដុះស្រូវក៏ត្រូវធ្វើឡើងផងដែរ។